анонс


этнографическая комната Черневка

 

   Литературное краеведение


    Славим Дрибинский наш край


    
 

      Шчодрая наша Дрыбінская зямля на таленавітых людзей. Дрыбіншчына - радзіма вядомых пісьменнікаў і паэтаў. Яркі след у сэрцах землякоў пакінуў Сцяпан Гаўрусёў, які належыць да пісьменніцкай плеяды беларускай літаратуры, стаіць побач у паэтычным сузор'і з Рыгорам Барадуліным, Нілам Гілевічам, Міхаілам Стральцовым, Еўдакіяй Лось, Алегам Лойкам і інш. Праслаўляюць наш раён члены Саюза пісьменнікаў Рэспублікі Беларусь Віктар Кудлачоў  і Ніна Кавалёва - аўтары добра вядомых кніг "Прызнанне ў каханні", "Добры дзень, дзеці", "Лодка кахання", "Са скрыпачкай ды з дудой"; член Саюза пісьменнікаў Украіны Міхаіл Казакоў – аўтар кніг "Вянок васільковы", "Вечная крыніца" і іншыя. Творчасць нашых землякоў прасякнута любоўю да радзімы, да землякоў, да ўсяго, што іх агортвала, хвалявала, натхняла на творчасць. Яны - наш гонар. Яны - нашы класікі…


????????? Бутрамееў Уладзімір Пятровіч

Нарадзіўся 20.03.1953 г. у в. Расна Дрыбінскага раёна Магілеўскай вобласці. У 1970 г. скончыў Раснянскую СШ, у 1974 г. - геаграфічны факультет Магілеўскага педінстытута, у 1987 г. - сцэнарнае аддзяленне Вышэйшых двухгадовых курсаў сцэнарыстаў і рэжысёраў у Маскве. Працаваў настаўнікам і загадчыкам навучальнай часткі ў школах Горацкага і Чэрыкаўскага раёнаў, на Слонімскай папяровай фабрыцы, настаўнікам у вячэрняй школе, у Слонімскім прафесійна-аматарскім тэатры. З 1987 г. - член Саюза пісьменнікаў СССР. Друкаваўся ў раённай  газеце "Ленінскі шлях", рэспубліканскім друку. Па творам У.Бутрамеева зняты фільмы, пастаўлены п'есы. Зараз жыве ў Маскве.

????????

Гаўрусеў Сцяпан Захаравіч

Нарадзіўся 10.05.1931 г. у в. Нова-Аляксандраўка Дрыбінскага раёна Магілеўскай вобласці. Беларускі паэт, крытык, перакладчык. Пачаткам літаратурнай працы лічыцца 1948 г. 1955 г. - першы зборнік паэзіі "Паходныя кастры". На беларускую мову пераклаў шэраг твораў савецкіх аўтараў. Творы С.Гаўрусева перакладзены на рускую і іншыя мовы, многія вершы пакладзены на музыку. Член Саюза пісьменнікаў Беларусі з 1955г. Лаўрэат літаратурнай прэміі імя А.Куляшова(1987). Памёр 12.03.1988 г.

????????

Ермалаеў Уладзімір Фаміч

Нарадзіўся 02.01.1933 г. у в. Галавічы Дрыбінскага раёна Магілёўскай вобласці, пісьменнік. Друкавацца пачаў з 1962 г., пераважна ў перыядычных выданнях. Выступаў у друку з вершамі. Асаблівага поспеху дамогся як парадыст. Аўтар шматлікіх літаратурных пародый амаль на ўсіх сучасных паэтаў. Першыя кніжкі выдаў у серыі "Бібліятэка "Вожыка" ("Хто не смяецца, той не есць" (1994), "Пераход колькасці ў колькасці" (1997), у 1998 г. выйшла кніга гумару і сатыры "Радком па кумпалу" (выд-ва "Мастацкая літаратуры"). Член Саюза пісьменнікаў Беларусі (1998). Папулярнасць прынеслі кнігі "Дулі будуць апасля" (2004), "Смехам закаханыя" (2008) і інш. Узнагароджаны вышэйшай адзнакай СПБ - медалём "За вялікі ўклад у літаратуру" (2013). Паспеў падрыхтаваць кнігу выбраных твораў "Смех у мех, а сум у торбу", якая выйшла ў 2015 г. Памёр 12.12.2014.

???????

Казакоў Міхаіл Аўрамавіч

Псеўданімы: М.Бярозкін, К.Міхайлаў; нарадзіўся 08.10.1938 г. у в. Халіпы Дрыбінскага раёна Магілёўскай вобласці, паэт, перакладчык. Член Саюза пісьменнікаў Украіны (1984). У 1964 г. пераехаў у Крым.  Узнагароджаны медалём, Ганаровай Граматай Вярхоўнага Савета УССР. Першыя вершы на рускай мове надрукаваны ў крычаўскай раённай газеце "Шлях сацыялізма" (1956). У беларускім рэспубліканскім друку ўпершыню выступіў у 1958 г. Яго вершы - прызнанне лірычнага героя - сучасніка ў любові да Радзімы, прысяга на вернасць бацькоўскім заветам. Пісаў гумарыстычныя вершы. Займаўся перакладамі твораў на рускую і беларускую мовы. Памер 16.03.2000 г., пахаваны ў г. Ялта (Украіна).

???????

Казанаў Барыс сапр. Лапіцкі Барыс Міхайлавіч

Нарадзіўся 26.12.1938 г. у в. Расна Дрыбінскага раёна Магілеўскай вобласці. У гады Вялікай Айчынный вайны знаходзіўся ў дзіцячым доме на Урале. Пасля вайны скончыў Раснянкую СШ, Магілёўскі педінстытут (1962). У 1962-64 гг. служыў матросам на параходзе "Бранск" на далёкім Усходзе. Завочна скончыў Уладзівастоцкую мараходную школу (1963). Друкавацца пачаў з 1962 г. у рэспубліканскіх і ўсесаюзных часопісах "Неман", "Полымя", "Юносць", "Дальний Восток" і інш. Асноўная тэма творчасці - мора. Член Саюза журналістаў Беларусі з 1971 г., Саюза пісьменнікаў Беларусі з 1987 г. Памер 03.11.2016 г.

????????

Кавалёва Ніна Дзмітрыўна

Нарадзілася 28.07.1949 г. у в. Еськаўка Дрыбінскага раёна Магілёўскай вобласці, паэтэса. З 1997 г. - член Саюза пісьменнікаў Рэспублікі Беларусь.  Пісаць вершы пачала з 1980 г. Друкуецца ў раённым, абласным і рэспубліканскім друку. Яе вершы ўключаны ў зборнікі "Петя Зяблик и его кораблик" (1980), "Первая встреча" (1989), "У кого какие сны" (1991), якія выйшлі ў Мінску. Аўтар зборнікаў: "Напиток певчих птиц" (1993), "Отдайте ближнему долги" (1996), "Ликующий полет" (1999), "Моей души колокола" (2000), "Лодка кахання" (2011) і інш. У сваіх вершах спрабуе асэнсаваць векавыя праблемы чалавецства: каханне, дабро, узаемаадносіны чалавека і свету, чалавека і грамадства, чалавека і Бога. Памёрла 16.03.2020 г.

????????

Кудлачоў Віктар Семёнавіч

Нарадзіўся 15.01.1936 г. у в. Сласцёны Дрыбінскага раёна Магілеўскай вобласці, паэт. Літаратурнай творчасцю пацаў займацца з 1970 г. Друкуецца на старонках абласной газеты "Гродзенская праўда", рэспубліканскіх газет "Зорька", "Настаўніцкая газета". Аўтар шматлікіх зборнікаў для дзяцей. асобныя яго вершы ўключаны ў школьныя падручнікі. Кніга "Нарисую город Гродно" знаходзіцца ў дзесяці найбольш вялікіх бібліятэках свету, у тым ліку Біблітэцы Кагнрэсу ЗША. Лаўрэат прэміі Гродзенскага аблыванкама імя А.І.Дубко "За творчыя дасягненні ў галіне культуры і мастацтва". Член Саюза пісьменнікаў Беларусі (1991). Зараз паэт жыве ў Гродна.

?????????

Цмугунова Святлана Алегаўна

Нарадзілася 28.11.1984 года ў г.Гарадок Віцебскай вобласці. З 2004 года пражывае ў г.п. Дрыбін. Друкуецца ў раённай газеце "Савецкая вёска". Член клуба творчых сустрэч "Вянок Дрыбіншчыны".


За более подробной информацией обращаться в отдел обслуживания и информации Дрибинской центральной районной библиотеки.

 

 



ПЦПИ


Праздники Беларуси

Праздники Беларуси

Таленты ад роднай зямли

Яндекс.Метрика